/2021.10.05/: Фэйсбүүк, Инстаграм, WhatsApp зэрэг нийгмийн сүлжээ "зургаан цаг тасарч доголдсоны дараа хэвийн байдалдаа орж байна" гэж Фэйсбүүк Инк компаниас мэдээллээ.

Үүний улмаас Марк Цукерберг 7 тэрбумын алдагдал хүлээсэн байна.

Downdetector сайт мэдээлснээр энэ нь урьд өмнө байгаагүй хамгийн том саатал гарсан бөгөөд дэлхий даяар сүлжээ гацсан, асуудал дагуулсан 10.6 сая үйлдэл бүртгэгдсэн гэжээ.

Фэйсбүүк хамгийн сүүлд 2019 онд ийм төрлийн алдаа гаргаж байжээ. Өнөөдөр үүссэн нөхцөл байдалд тус компанийн зүгээс хэрэглэгчдээсээ хүлцэл өчсөн байна.

Гэвч одоо хүртэл фэйсбүүкийн хайлтын систем сэргээгүй байгаа юм.

Эдгээр гурван үйлчилгээ нь бүгд Фэйсбүүк Инк компанийн эзэмшилд байдаг бөгөөд дээрх хугацаанд вэб болон ухаалаг утасны аппликейшн дээр хандах боломжгүй байжээ.

Эх сурвалж: CNN