2020 онд шинэчлэн боловсруулсан үнэлгээгээр Монгол орны нийт газар нутгийн 78,9 хувь нь цөлжилтөд тодорхой хэмжээгээр өртсөн байна. Үүнээс нэн хүчтэй зэрэглэлд 4,7 хувь, хүчтэй зэрэглэл 18,6 хувь, дунд зэрэг 22,1 хувь, сул зэрэглэлд 31,5 хувь тус тус хамарч байна.
Засгийн газрын 2020-2024 оны үйл ажиллагааны хөтөлбөрийн хүрээнд Цөлжилтийг сааруулах элсний нүүлтээс хамгаалах, хамгаалалтын зурвас байгуулах ажлыг зохион байгуулж байгаа.
Цөлжилтөд нэн хүчтэй өртсөн Баянхонгор, Өвөрхангай, Дундговь, Дорноговь, Говьсүмбэр, Говь-Алтай, Төв, Өмнөговь аймгийн Засаг дарга, Иргэдийн төлөөлөгчдийн хурлын дарга, Байгаль орчин, аялал жуулчлалын газрын дарга, мэргэжилтнүүд энэ удаагийн хуралд оролцож “Цөлжилтийн төлөв байдал, хэрэгжүүлэх арга хэмжээний тухай” санал солилцон цаашид хэрэгжүүлэх үр дүнтэй арга, тулгамдаж байгаа асуудуудыг хэлэлцлээ.
Эх сурвалж: Байгаль орчин, аялал жуулчлалын яам
