/2023.04.21/: Цагдаагийн байгууллагад дөрөвдүгээр сарын 18-ны 03.46 цагийн үед Хан-Уул дүүргийн 14 дүгээр хороо, Өлзийт хороололд "Санаатайгаар хүн дайраад зугатсан байна" гэх дуудлага, мэдээлэл иржээ.

Дуудлагын дагуу шалгахад 30 настай эрэгтэй Г гэгч нь согтуурсан үедээ 29 настай эрэгтэй З гэгчийг "Hyundai" маркийн тээврийн хэрэгслээр санаатайгаар дайран улмаар амь насыг нь хохироож зугтсан байна.

Цагдаагийн газрын хоёрдугаар хэлтсээс шуурхай ажиллан хэрэгтнийг илрүүлэн баривчилсан бөгөөд мөрдөн шалгах ажиллагаа явуулж байгаа аж.