/2022.09.28/: Украйны Нафтогаз компанийн тухай Газпромын мэдэгдэл нь Европ дахь хийн биржийн үнэ ханшийн өсөлтийг 20 хувиар хурдасгаж, мянган шоо метр тутамд 2100 доллараас давсан түвшинд хүргэсэн гэж Лондонгийн ICE биржээс мэдээлэв.
Хамгийн ойрын аравдугаар сарын фьючерс (Европын хамгийн том төв TTF индексийн дагуу) мягмар гарагын арилжааг мянган шоо метр тутамд 1756.7 доллар (+1.8%) нээсэн бөгөөд энэ нь тус өдрийн хамгийн бага үнэ байсан байна. Өдрийн турш үнэ хэлбэлзэж байсан ч өсөлтийн хурд нь 10 хувиас хэтэрсэнгүй. Гэвч "Газпром"-ын мэдэгдлийн дараа үнийн санал огцом өсч 2103.5 доллар (+21.9%) хүрсэн байна.
