Хуульч О.Батхүүгийн санаачилсан гараашны татвар цуцлах өргөдөлд одоогоор 86,500 хүн гарын үсэг зурсан байна.

Энэ талаар тэрээр цахим хуудастаа “86'500 хүн нэгджээ. Баярлалаа!

Хэрэв 100'000 хүн гарын үсэг зурвал шууд Ерөнхий сайдад очно.

Ерөнхий сайд Засгийн газрын хуралдаанд танилцуулж, хуулийн төсөл УИХ-д өргөн барих ёстой.

Бүх нам татвар бууруулах амлалт өгсөн учир дэмжигдэнэ гэдэгт итгэлтэй байна.

Ингэвэл бүгдээрээ 1 ч гэсэн татварын дарамтаас сална гэсэн үг.

Энэ бол гарааш гэхээс илүү иргэд Төрийн эрх барихад оролцох, амьдралд нийцэхгүй хууль дүрмийг өөрчилж чадна гэдгийг харуулах баталгаа юм.

Маш ойрхон ирлээ. Бүгдээрээ давалгаалаад өгөөрэй!” гэж бичжээ.