УИХ-ын гишүүн Ч.Ундрам орон сууц захиалаад хохирсон иргэдийн асуудал хуулийн хүрээнд шийдэгдэхгүй байгаа асуудлыг шүүмжлэн “Орон сууц захиалагч иргэдийн хохирлыг барагдуулах тухай” нэг удаагийн хууль санаачилна гэлээ.

Энэ тухай тэрээр "Орон сууц захиалагч иргэдийн хохирлыг барагдуулах тухай” нэг удаагийн хууль санаачилна. 3,900 захиалагч урьдчилгаа төлбөр төлөөд байр ч үгүй, мөнгө ч үгүй хохирсон байгаа мэдэлэл бидэнд бна. ЗГ-аас ажлын хэсэг байгуулаад ажилласан, өнөөдрийн хууль эрх зүйн орчинд олигтой ахиц гаргах боломжгүй. Ийм нөхцөл байдалд хүргэсэн нь тодорхой хууль эрх зүйн орчин бүрдүүлээгүй, хяналт тавьж чадаагүй төрийн буруу. Тиймээс нэг мөр засах цаг болсон.

Олон жил хөдөлмөрлөж, хуримтлуулсан мөнгөөрөө орон сууц захиалаад хохирсон иргэдийн асуудлыг зөвхөн ажлын хэсэг байгуулаад шийдэх боломжгүй. Төр хариуцлага хүлээж, хуримтлагдсан асуудлыг шийдвэрлэх нэг удаагийн тусгай хууль санаачлах шаардлагатай" гэжээ.