УИХ-ын гишүүн Х.Тэмүүжин сэтгүүлчдэд тодруулга, мэдээлэл өглөө.

Энэ үеэр тэрээр УИХ-ыг тараах тухай асуудлын талаар өөрийн байр суурийг илэрхийллээ. Энэ тухай тэрээр "Олонхоо бүрдүүлж байгаа нам УИХ дээр ирцээ бүрдүүлэх нь үүрэг. Парламентыг тараах санаачилга гаргаж байгаа гишүүдэд бэлэн байгаа нэг сонголт бол өргөдлөө бичээд, гарын үсгээ зураад гишүүнээс татгалзах эрх нь бий. Хоёрдугаарт парламентыг тараая гэж хэлж байгаа хүмүүс зоригтой байх хэрэгтэй. Нэгэнт тарж байгаа парламент учраас дараагийн парламентын сонгуульд нэр дэвшихгүй гэдэг зарчмаа гаргах ёстой.

"Парламентыг тараая" гэж ичихгүй орилж орилчхоод сонгууль болоход "Би парламентад баймаар байна" гэж үсэрч орж ирэх бол хамгийн увайгүй, ёс зүйгүй үйлдэл.

Үнэхээр парламент болохгүй байна гэж бодож байвал тогтолцоог нь өөрчлөх талаар бодож сэтгэн, хууль тогтоогчийнхоо ажлыг хийх ёстой" гэлээ.