Монголын бодибилдинг, фитнесийн спортын тамирчин, ОУХМ Д.Адъяахүү Африк тивийн Ангол Улсад зохион байгуулагдсан “Angola Open” дэлхийн цомын тэмцээнд амжилттай оролцож, 61.2 кг-ийн жинд алтан медаль хүртэн, аваргын бүсний эзэн болжээ.
Түүний энэ амжилт зөвхөн медалиар хэмжигдэхгүй. Учир нь Д.Адъяахүү нь Африк тивийн Ангол Улсад Монгол Улсаас спортын төрлөөр өрсөлдсөн анхны тамирчин болсон байна.
Ийнхүү Монголын тамирчин дэлхийн цомын тэмцээнд Анголын дэвжээнд эх орныхоо нэрийг дуурсгаж, алтан медаль болон аваргын бүсийг эх орондоо авчирч чадлаа.
Д.Адъяахүүгийн хувьд энэ нь олон улсын тавцанд гаргасан бас нэгэн том амжилт бөгөөд Монголын бодибилдинг, фитнесийн спортын тамирчдын дэлхийн тэмцээнүүдэд өрсөлдөх хүрээ улам тэлж байгааг харуулсан үйл явдал болж байна.
Анголын дэвжээнээс аваргын бүстэй буусан Д.Адъяахүүд баяр хүргэе.
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.