Ардчилсан намаас 4/11 мэдээллийн цагаараа Ерөнхий сайд Н.Учралтай холбоотой хэд хэдэн зүйлсийг дурдлаа.

Энэ үеэр "Ерөнхий сайд Н.Учралын хамаарал бүхий цэцэрлэг, сургууль, их сургуулиуд өнгөрсөн хугацаанд төсвөөс 8.3 тэрбум төгрөгийн санхүүжилт авсан гэдгийг шилэн дансны мэдээлэл харуулж байна.

Энэ удаагийн тодотгол дээр Ерөнхий сайдын ээжийнх нь сургуульд 3.5 тэрбум төгрөгийн зардал олгоно гэсэн зүйл бичсэн байгаа тухай баримтууд гарч ирсэн. Ер нь энэ мөнгийг тэр сургуулиудтайгаа эртнээс тохироод зарцуулаад эхэлчихсэн юм биш үү, одоогийн тодотголоор батлаад, хуульчлах гээд байгаа юм биш үү гэдэг асуудал яригдаж байгаа.

Тиймээс энэ удаагийн төсвийн тодотголыг хиймээргүй байна. Энэ асуудлаа шийдээч ээ гэдэг шаардлага тавьж байгаа" гэлээ.