Говийн бүсэд тогтворжуулах шийдлүүд бүхий СЭХ-ний үүсгүүр барих аукцион Багц-2” төслийн хэрэгжүүлэгч компанийг өнөөдөр 10:00 цагаас шалгаруулна.

Говийн бүсийн уурхайнуудын 1.3 тэрбум кВт.цаг/жил цахилгаан эрчим хүчний хэрэгцээг 99.5 хувийн найдваржилттайгаар хангах, импортын цахилгаан эрчим хүчний хэрэглээг орлуулах, СЭХ-ний үүсгүүр барих төслийг хэрэгжүүлэх “бие даасан эрчим хүч үйлдвэрлэгч” (Independent Power Producers)-ийг аукционоор шалгаруулна.

Аукционы үнийн дээд хязгаарыг 9.7 ам.цент/кВт.цагаар тогтоосон бөгөөд оролцогчид үүнээс доогуур үнэ санал болгон өрсөлдөнө.

Аукционд оролцохоор 10 компани саналаа илэрхийлснээс 2 компани аукционд оролцох шаардлагыг ханган дэнчингээ байршуулсан болно.

Аукционы ялагч Өмнийн говийн уурхайнуудын цахилгаан эрчим хүчний хэрэгцээг дотоодын эх үүсвэрээс хангахад оролцож, импортын цахилгаан эрчим хүчийг бууруулахад хувь нэмэр оруулна.