/2024.01.24/: Цагдаагийн байгууллагад өнөөдөр өдрийн 12:36 цагт Сүхбаатар дүүргийн 8 дугаар хороо хөгжим бүжгийн урд замд автомашин онхолдсон талаарх дуудлага, мэдээлэл бүртгэгдсэн байна.

Дуудлага, мэдээллийн дагуу ослын газарт үзлэг хийхэд урьдчилсан байдлаар T.Prius 20 маркийн автомашин явган зорчигч 3 иргэнийг болон замын гэрэлтүүлгийн шон мөргөж онхолдсон байж болзошгүй нөхцөл байдал тогтоогдон жолооч болон явган зорчигчдыг эмнэлгийн тусламж, үйлчилгээнд хамруулж, шалгалтын ажиллагааг явуулж байна.

Иймд жолооч хэт ядарсан, эрүүл мэндийн шалтгаантай үедээ тээврийн хэрэгсэл жолоодохгүй байхыг зөвлөж байна.

Эх сурвалж: ЦЕГ