/2022.07.25/: Орос, Украин болон зуучлагч Турк гарын үсэг зурсны дараа НҮБ-ын Ерөнхий нарийн бичгийн дарга энэ хэлэлцээр нь хөгжиж буй орнуудад хүнсний тусламж үзүүлэхийг тунхагласан "найдварын гэрэл" болж байна гэж мэдэгдэв.
Хэлэлцээрт гал зогсоох тодорхой заалт байхгүй ч ОХУ-ын үүрэг хариуцлагыг тодорхой бичсэн байна. "ОХУ хүнсний бүтээгдэхүүн, наранцэцгийн тос, бордоог саадгүй экспортлоход дэмжлэг үзүүлэх үүрэг хүлээсэн" гэж Гутеррешийн албанаас гаргасан мэдэгдэлд дурджээ.
Гэрээнд гарын үсэг зурснаас хойш 24 цаг хүрэхгүй хугацааны дараа гэрээнд дурдсан үндсэн боомт Оросын хоёр Калибр далавчит пуужингийн довтолгоонд өртжээ.
Дайралтаас болж бараг нэг милийн зайд байрлах барилгуудын цонхнууд хагарчээ. Гал сөнөөгчид шатаж буй хэд хэдэн завь дээрх галыг унтраахаар боомт руу яаравчлав. Албаныхны мэдээлснээр боомтын нэг ажилтан шархадсан байна.
ОХУ-ын эл үйлдлийг Украйн болон түүний холбоотнууд буруушааж, түүний хоёрдмол байдлын нотолгоо гэж өргөнөөр хүлээн зөвшөөрөв.
Украины парламентын гишүүн Олексий Гончаренко халдлага болсны дараа CNN-д ярилцлага өгөхдөө "Орос улс дэлхийн хүнсний аюулгүй байдалд заналхийлсээр байх хүсэлтэй байгаагаа харууллаа" гэжээ.
АНУ-ын Төрийн нарийн бичгийн дарга Энтони Блинкен “Энэ халдлага нь ОХУ-ын амлалтад итгэх итгэлд ноцтой эргэлзээ төрүүлж байна” гэж хэлээд “НҮБ, Турк, Украины чухал хүнсийг дэлхийн зах зээлд хүргэх ажилд сөргөөр нөлөөлж байна” гэж нэмж хэлэв.
Эх сурвалж: CNN
