2021.08.03

Өчигдөр С.Батцэцэг шөвгийн дөрөвт Африк тивийн дөрвөн удаагийн аварга, гурав дахь олимпдоо орж буй Нигерийн Блессин Обарудудуд 7-2 харьцаагаар ялагдаж, улмаар хүрэл медалийн төлөө барилдахаар болсон билээ.

Тэрээр хүрэл медалийн төлөө өнөөдөр буюу наймдугаар сарын 03-нд Кыргызстан улсын тамирчин М.Жуманазароватой барилдана. Медалийн төлөөх барилдаан 19:55 цагт эхэлнэ. Манай тамирчин 2 дахь тоглолтод гарах юм.

Өрсөлдөгч тамирчин 1999 онд төрсөн 22 настай.

• 2018 онд Унгар улсад зохион байгуулагдсан чөлөөт бөхийн дэлхийн аварга шалгаруулах тэмцээнээд оролцож 13 дугаар байр,
• 2021 онд Казахстан улсад болсон Ази тивийн аварга шалгаруулах тэмцээнд оролцож 1 дүгээр байр, алтан медаль хүртсэн амжилттай залуу тамирчин юм.