/2022.01.19/: Өчигдөрхөн шинээр томилогдсон БОАЖ-ын сайд өөрийн цахим хуудсаар дамжуулан сэтгэгдлээ бичжээ.

БОАЖ-ын сайд Б.Бат-Эрдэнэ:

-Байгаль орчин, аялал жуулчлалын Сайдын үүрэгт ажлаа хүлээн авлаа.

Монгол хүн нэг бүрийн төлөө хичээн ажиллана. Цар тахлын хүнд нөхцөл боловч нөгөө талдаа аялал жуулчлалын салбарыг хөгжүүлэх боломж бүрдэж байгаа давуу талтай гэж үзэж байна. Цар тахлын дараа эрүүл агаар, онгон байгальтай, нүүдэлчин Монгол орон шиг улсад жуулчид олноор ирэх сонирхол бий. Үүнийг салбар яам сайн зохион байгуулж ажиллахад анхаарах ёстой.

Мөн агаар орчны бохирдлыг бууруулах, аюултай хог хаягдлын үйлдвэр барих, энэ тал пээр хувийн аж ахуйн нэгжүүдээ төрөөс бодлогоор дэмжих, усны нөөцийн бохирдол хомсдол, уул уурхайн үйл ажиллагааны улмаас эвдэрсэн газар нутагт нөхөн сэргээлт явуулах, засгийн газрын мөрийн хөтөлбөрт тусгагдсан ажлуудыг үргэлжлүүлэх, ойн менежментийг сайжруулах зэрэгт анхааран ажиллана.

Монгол Улсын Ерөнхийлөгчөөс өсгөн үүрэг чиглэлийн дагуу “Тэрбум мод” үндэсний хөдөлгөөнийг хэрэгжүүлэх, цөлжилт газрын доройтлыг бууруулах, Хөвсгөл нуурын эко системийг хамгаалах зэрэг олон ажил байгааг амжилттай үргэлжлүүлэн хамтран маш сайн ажиллах ёстой. Байгаль орчин, аялал жуулчлалын яам нийт хамт олондоо итгэж байна.