/2021.12.27/: Зөвхөн Австралиас гаралтай ховор "алхдаг" гар загасыг сүүлийн 22 жилийн хугацаанд анх удаа Тасманы эргээс олж илрүүлжээ.
Ягаан гар загасыг хамгийн сүүлд 1999 онд Тасманийн усанд шумбагч харсан бөгөөд түүнээс хойш дөрвөн удаа л харагджээ.
Устаж үгүй болох вий гэж эмээсэн албаныхан саяхан түүнийг ховордсон төрөлд бүртгэжээ.
Харин Австралийн судлаачид үүнийг энэ оны эхээр далайн цэцэрлэгт хүрээлэнд тавьсан далайн гүний камерын бичлэгээс дахин олж харсан хэмээн гэж мэдэгдэв.
Шинэ судалгаагаар тус загас нь урьд өмнө амьдарч байснаас илүү гүн, ил задгай усанд амьдарч байгааг харуулсан байна.
Эрдэмтэд энэ загасыг хамгаалагдсан буланд амьдардаг гүехэн усны төрөл зүйл гэж бодож байсан ч одоо Тасманийн зэрлэг өмнөд эргээс 150 метрийн гүнээс олсон байна.
Тасманийн их сургуулийн дэд профессор, далайн биологич, ахлах судлаач Невилл Барретт "Энэ бол сэтгэл хөдөлгөм нээлт бөгөөд ягаан гар загаснууд урьд өмнө төсөөлж байснаас илүү өргөн тархалттай, амьдрах орчинтой болох нь тодорхой байна" гэв.
Тэдний нэрнээс үзвэл энэ төрөл зүйл нь хэт том "гартай" бөгөөд тэд усанд сэлэхээс гадна далайн ёроолоор "алхдаг" ажээ.
Хоёрдугаар сард Невилл Барреттын баг Тасманы ан цавын тэнгисийн цэцэрлэгт хүрээлэнгийн далайн ёроолд шүрэн, хавч, загасны төрөл зүйлийг судлахын тулд өгөөштэй камер хаяжээ.
Тус хамгаалалттай цэцэрлэгт хүрээлэн нь Швейцар улстай ижил хэмжээтэй бөгөөд дэлхийн царцдасын урт хагаралтай гэдгээрээ алдартай бөгөөд энэ нь 4000 метрээс дээш гүнд далайн амьтдыг олох боломжийг олгосон юм.
Аравдугаар сард судалгааны туслах бичлэгийг үзэж байхдаа өгөөшөнд татагдсан олон том амьтдын дунд нэгэн өвөрмөц амьтныг олж харжээ.
Их сургуулийн Антарктид ба Тэнгис судлалын хүрээлэнгийн ажилтан Ашли Бастиаансен "Би бидний хийсэн видео бичлэгүүдийн нэгийг үзэж байхад энэ хадны ирмэг дээр бяцхан загас гарч ирсэн нь хачирхалтай харагдаж байсан" гэж хэлэв.
"Би сайтар ажиглавал түүний бяцхан гарыг олж харсан" гэж тэр ABC-д ярьжээ.
15 см урттай загас хадны хавчанд саад учруулсны дараа ирмэгээс гарч ирж буй нь энэхүү хальсанд бичигджээ.
"Тэр үед энэ нь бидэнд үнэхээр гайхалтай зураглалыг өгсөн ... энэ төрөл зүйлийг тодорхой тодорхойлж, хэмжээг нь авах хэрэгтэй" гэж дэд профессор Баррет ABC-д ярьжээ.
Ягаан гар загас бол Австралийн эх газрын өмнөд хэсэгт орших Тасманийн орчимд байдаг 14 төрлийн гар загасны нэг юм.
Эх сурвалж: bbc
