Боловсрол, Шинжлэх ухааны сайд Л.Энх-Амгалан твиттерт "Хэрвээ би Боловсролын сайд байсан бол" хаштагийг эхлүүлжээ.

Энэ постны доор одоогоор зуу гаруй хүн өөрийн саналаа бичжээ. Тухайлбал,

Билгүүн:

Би боловсролын сайд бсан бол:

1. 1-4 ангид дүн тавьдгийг болиулна
2. Эцэг эхийн хурал биш "Ар гэр асран хамгаалагчийн уулзалт" гэдэг болгоно
3. Багш нарыг эцэг эхийн санал дээр үндэслэсэн урамшуулал хариуцлагын тогтолцоотой болгоно

Эрхэмболд:

1. Бага, сургуулийн өмнөх сургалтанд хуулан бичиг, их даалгаврын оронд биеэ даах, сэтгэн бодох хичээлийг илүү оруулна
2. Дунд, Ахлах ангийн хүүхдүүдийн үе тэнгийн нөлөөлөл, ялгаварлан гадуурхалтыг зогсооход илүү анхаарна Багш сурагчтай ялгавартай харьцахыг зогсооно

Гэрэлээ:

1. Их дээд сургуулиудыг яаралтай хотоос гаргана.
2. Дээд сургуулиудыг цөөлнө.
3. Багш нарын цалинг 30-50% нэмнэ.
4. МСҮТ ийн тоог нэмэгдүүлэх, төгсөгчдийг ажлын байрны баталгааг хангахад онцгой анхаарна.
5. Дунд шатны мэргэжилтэн бэлтгэдэг МСҮТ -үүдэд аттестатчлал явуулна.

Чой Баттулга:

1. Төрийн өмчийн сургуульд суралцагчид тодорхой хэмжээний төлбөр төлөх тогтолцоог бий болгоно
2. Төрийн албан хаагчдын хүүхдүүдийг хамран сургах тойрогтоо л суралцдаг хууль орчин бий болгоно.
3. Төрийн өмчийн их сургуулиудыг хувьчилна/тод %/

Оюунсүрэн

1. Багш нарын цалинг нэмнэ. Нэмэх боломж байхгүй бол ядаж цалинг нь татвараас чөлөөлнө.
2. 3-4-р курсын оюутнуудыг туслах багшаар ажиллуулж, багшийн ачааллыг хөнгөвчилнө.
3. #УБ хотын багш нарыг 3-5 жил тутам сэлгэж ажиллуулдаг болно.

Энхтэмүүлэн:

1. Тэтгэвэрт гарсан багш нараар бямба, ням гаригт цалинтай давтлага хийлгэнэ
2. Япон, герман, англи хэлний гадаад багш нарыг Монголд ажиллах бүх таатай нөхцлийг бүрдүүлнэ. /Виз, байнгын оршин суух, нийгмийн даатгал г.м./
3. Багш нарын цалингийн сан байгуулна

Гэх мэтээр жиргэжээ. Хэрвээ Та Боловсролын сайд байсан бол юу хийх байсан бэ?