/2022.11.16/ Засгийн газрын хуралдаанаас гарсан шийдвэрийг танилцууллаа.

Энэ үеэр ХЗДХ-ийн сайд Х.Нямбаатар:

-Би энэ жил Казиногийн хуулийн талаар маш олон хэлэлцүүлэг зохион байгуулсан. Бид энэ хуулийн төслийн хүрээнд маш олон удаагийн хэлэлцүүлэг хийж, Аялал жуулчлалын хуулийг дагасан багц хууль байдлаар өргөн барихаар төлөвлөж байна.

Хуулиар Монголчууд казино тоглохыг хориглосон. Мөн маш цөөхөн тоогоор лиценз олгоно. Олгохдоо зөвхөн Монгол Улсын нутаг дэвсгэрт бодит бүтээн байгуулалт хийх, хөрөнгө оруулалтын дүнг харгалзаж үзнэ. Удахгүй Аялал жуулчлалын тухай хуультай хамт Морин бооцоот уралдааны хууль, Төлбөрт таавар тоглоомын хууль, Казиногийн хуулийг өргөн барихаар төлөвлөж байна. Ирэх жилийг "Монгол Улсад зочлох жил" болгож зарласан. Тиймээс үүнтэй холбогдуулан дээрх хуулиудыг энэ онд хэлэлцэх эсэхийг шийднэ гэлээ.