/2022.09.27/ Сэргээгдэх эрчим хүч үйлдвэрлэгчдийн холбооноос жил бүр зохион байгуулдаг “Олон улсын эрчим хүчний чуулган” есдүгээр сарын 28-29-нд “Эрчим хүчний шилжилт” сэдэвтэйгээр зохион байгуулагдах гэж байна.

Энэхүү чуулганаар Зүүн хойд Азид эрчим хүчний үйлдвэрлэлээс үүсгэж буй хүлэмжийн хийн ялгарлыг бууруулах, бүс нутагт тогтвортой эрчим хүчний салбарыг хөгжүүлэх сэдвийн хүрээнд санал дэвшүүлж, тулгамдсан асуудлыг шийдвэрлэх шийдлүүдийг хэлэлцэх юм.

“Олон улсын Шинэ эрчим хүчний чуулган”-д 50 орчим гадна дотны экспертүүд болон Монгол Улсын төрийн байгууллага, хувийн хэвшил, олон улсын байгууллага, төрийн бус байгууллагын төлөөллөөс бүрдсэн гадаад, дотоодын 600 гаруй зочид, төлөөлөгчид оролцох юм. Ингээд та бүхэнд үйл ажиллагааны хөтөлбөрийг танилцуулж байна.