Монгол Ардын намынхан болон Ерөнхий сайд Н.Учрал Япон улсад айлчилж байгаа билээ. Өндөр зардал, өргөн бүрэлдэхүүнтэй уг айлчлал чамгүй шүүмжлэл дагуулаад байгаа бөгөөд АН болон МАН-ын томилолтод хэрхэн явдаг талаарх харьцуулалтыг Ардчилсан намаас гаргажээ.
Ардчилсан намын дарга О.Цогтгэрэл БНХАУ-д 15 хүний бүрэлдэхүүнтэй айлчилсан. Ингэхдээ 13 хүн нь хувийн зардлаараа явсан бол үлдсэн хоёр хүн болох орчуулагч болон зурагчингийн зардлыг АН-аас даажээ.
МАН-ын энэ удаагийн айлчлалд нийт 280 орчим хүн оролцож буй. Ерөнхий сайдыг дагалдан яваа 120 орчим хүний зардал төрөөс гарсан бол Я.Содбаатарыг дагалдан яваа хүмүүсийн зардлыг МАН-аас гаргаж буй талаар Я.Содбаатар дурдсан байна.
Төрийн хэмнэлтийн талаар дээр дооргүй шүүмжилж байгаа. Гэтэл хэмнэлтийг өөрсдөөрөө үлгэрлэх ёстой эрх баригч нам ийнхүү үрэлгэн зан гаргасаар байна.
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.