/2024.03.06/: Украины арми мягмар гарагт Оросын байлдааны хөлөг онгоц руу дахин амжилттай довтолсон гэж мэдэгдлээ.
Украины Батлан хамгаалахын тагнуулын мэдээлснээр, 13-р бүлгийн тусгай ангийн нисгэгчгүй онгоцууд Крымийг Оросын баруун өмнөд эргээс тусгаарладаг Керчийн хоолойн ойролцоо Хар тэнгист Оросын 1300 тонн жинтэй "Сергей Котов" эргүүлийн хөлөг онгоцонд цохилт өгч живүүлсэн гэв.
"Магура V5 далайн нисгэгчгүй онгоцнуудын цохилтын үр дүнд Оросын "Сергей Котов" төслийн 22160 хөлөг онгоцны хойд хэсэг, баруун хэсгүүдэд гэмтэл учруулсан" гэж мэдэгджээ. Цэргийнхэн дараа нь хөлөг живсэн болохыг баталсан байна.
Энэхүү дайралтыг Украины Тэнгисийн цэргийн хүчинтэй хамтран, Украины Дижитал өөрчлөлтийн яамны дэмжлэгтэйгээр гүйцэтгэсэн аж.
Украины Батлан хамгаалахын тагнуулын алба Telegram дээр Оросын багийн долоон гишүүн амь үрэгдэж, зургаан хүн шархадсан гэж мэдэгджээ.
Хоёрдугаар сарын дундуур Оросын десантын Цезарь Куников хөлөг онгоцыг Сергей Котовын эсрэг ашигласан нисгэгчгүй онгоцоор дайрсан юм.
Эх сурвалж: CNN
