/2024.01.25/: 2024 оны нэгдүгээр сарын 24-ний шөнө гарсан галын осолтой холбоотой 2 жолоочийг 48 цагийн хугацаатай саатуулжээ.

Тодруулбал, Баянзүрх дүүргийн 26 дугаар хорооны нутаг дэвсгэрт 2024 оны нэгдүгээр сарын 24-ний шөнө 01 цагийн үед газ тээвэрлэн явсан тээврийн хэрэгсэл шатаж дэлбэрсэн гэх хэрэгт Эрүүгийн хэрэг хянан шийдвэрлэх тухай хуулийн 31.4 болон 31.5 дугаар зүйлийн 1 дэх хэсгийн 1.2-т заасан хойшлуулшгүй тохиолдол, өөрийн болон бусдын амь нас, эрүүл мэндэд хохирол учруулж болзошгүй үндэслэлээр тус хэргийн сэжигтэн Р, М нарыг тус тус 48 цагийн хугацаатай түр баривчилсан болно.

Та бүхэн олон нийтийн цахим сүлжээнд баталгаат эх сурвалжаас мэдээлэл авч байхыг зөвлөж байна