/2023.5.9/ Чойжин ламын сүм музейн орчимд барилга барих эсэх асуудал сошиалд шуугиан тарьж байна.
Тавдугаар сарын 6-ны өдөр Соёлын сайд Ч.Номин өөрийн сошиал хуудсандаа дараах мэдэгдлийг хийж байв.
Чойжин ламын сүм музейн урд зүлгийг устгаж ямар ч барилга барихгүй!
— Nomin Chinbat (@NominChinbat) May 6, 2023
Гэвч ердөө хоёр хоногийн дараа өөрийн эзэмшлийн телевиздээ ярилцлага өгөхдөө "Байшин барина, гэхдээ газар доор барина" гэж ярьжээ.
Ийнхүү түүний үг хоёрхон хоногт зөрчилдөв. Ямар ч барилга, байшин барихгүй гэж байсан ч хоёр хоногийн дараа музейн урд хэсэгт, 12м өргөн зураас газарт баригдахаар төлөвлөсөн гэдгээ илэрхийллээ. Ийнхүү "Газар доор байгууламж" баригдах нь ойлгомжтой болов.
Харин иргэд Ч.Номин сайдын үгэнд итгэхгүй байна. Усан оргилуур барина гээд том оффис барьчихдаг, хүүхдийн парк байгуулна гээд том зочид буудал барьчихдаг зэрэг гашуун сургамжуудаа эргэн санаж, иргэд айж байна.
