/2023.02.06/: Ромын Пап лам Франциск өвдөгний өвчин туссан байгаа хэдий ч аяллаа үргэлжлүүлнэ гэдгээ ням гарагт хэллээ.

Тэрээр "Хогийн ургамал хэзээ ч үхдэггүй юм" гэж хошигносон бөгөөд ирэх есдүгээр сард Монгол Улсад айлчилна гэж найдаж байгаагаа хэлсэн байна.

Энэхүү аялал нь Ромын Пап ламаас Азийн орнуудад хийж буй анхны айлчлал болох аж.

Тэрбээр "Есдүгээр сарын 29-нд би Марсельд очиж, тэндээс Монгол руу нисэхээр төлөвлөж байна." гэв.

Түүний өмнөх аяллууд төлөвлөгөөний дагуу болж өнгөрсөн бөгөөд Монголын тухай дурдагдсан нь сэтгүүлчдийн хувьд гэнэтийн зүйл байсан тул зарим нь түүнийг Ангол руу аялахаа андуурч хэлсэн байж магадгүй гэж таамаглаж байгаа аж.

Хэдийгээр манай улс 1500 хүрэхгүй католик шашинтантай ч Ватиканы зүгээс Хятад дахь католик шашны нөхцөл байдлыг сайжруулахыг хичээж буй энэ үед тус улстай хиллэдэг манай улсад айлчлах нь стратегийн ач холбогдолтой юм.

Эх сурвалж: Reuters