/2022.07.28/: Байгалийн үзэсгэлэнт тогтоц, түүх соёлын өв дурсгалыг хамтад нь хамгаалж, археологийн малтлага, судалгааг үргэлжлүүлэн, эдийн засаг аялал жуулчлалын чөлөөт бүс байгуулах боломжтой байршлуудын нэг бол Орхоны Хөндийн Соёлын Дурсгалт газар юм.
Дэлхийн нүүдэлчдийн соёл иргэншлийн өлгий нутаг Орхоны хөндийд Хангайн бүсийн тулгуур төв шинэ Хархорин хотыг байгуулах ажлын явцын талаар УИХ Г.Занданшатар холбогдох ажлын хэсгийн гишүүдтэй санал солилцлоо.
Өвөрмөц, тогтвортой нүүдлийн соёл, уламжлалт мал аж ахуй, тухайн үеийн засаг захиргаа, шашин соёлын төвүүдийн хэлхээ холбоог тодотгосон энэ бүс нутаг нь Төв Азийн түүхэнд чухал ач холбогдолтой.
Ийм ч учраас олон улсын судлаач, археологичдийн баг болон ажлын хэсгийн гишүүдийн хамт Орхоны хөндийн соёлын дурсгалт газарт ойрын өдрүүдэд ажиллахаар боллоо.
