/2022.05.10/: "Эрдэнэт” үйлдвэр ТӨҮГ-ын Хаягдлын аж ахуйгаас үүсэж буй тоосны дэгдэлтийг Agaar.mn-ээр өдөр бүр мэдээлнэ.

Тодруулбал, цагаан тоосны агаар орчинд үзүүлж байгаа хэмжилтийн мэдээллийг холбох ажлууд хийгдэж байна. Ингэснээр агаарын чанарын мэдээллийг ил тод, тухай бүрт нь олон нийтэд мэдээлэх юм.

Одоогоор харуулын суурин станцыг нөлөөллийн бүсэд шилжүүлэх, программ шинэчлэлт, станцыг нүүлгэн шилжүүлэх газрын байршлыг харилцан тохиролцох ажлууд хийгдэж байна.

Агаарын чанарын харуулыг 2 дугаар цэцэрлэг, “Төмөр тууз” ХХК-д тус тус шилжүүлэн байршуулахаар Орхон аймгийн ЗДТГ-аас албан бичиг хүргүүлжээ.

Эх сурвалж: ОББҮХ