/2022.04.27/: Баянхонгор аймгаас Ховд аймаг руу зорчиж явсан 21 зорчигчтой автобус Баянхонгор аймгийн Бууцагаан сумын “Цагаан гол” гэдэг газар авто замын хажуу руу онхолдож 1 хүн нас барсан байна.

Тухайн зам тээврийн ослын дуудлагын дагуу тус сумын Онцгой байдлын Гал түймэр унтраах, аврах 72 дугаар ангийн алба хаагчид очиход KLQ6898 загварын автобус онхолдож 1 хүн автобусанд дарагдаж нас барсан байжээ.

Гэмтсэн иргэдэд эмнэлгийн баг очин яаралтай тусламж үзүүлэн ажиллаж байгаа бөгөөд нэн хүнд гэмтэгсдийг эрэмбэлэн аймгийн эмнэлэгт хүргэхээр ажиллаж байгаа аж.

Эх сурвалж: ОБЕГ