/2022.03.22/: Энэ жил Засгийн газраас ноолуур бэлтгэлд 150, ноос бэлтгэлд 25, арьс, шир бэлтгэл, үйлдвэрлэлд 15 тэрбум төгрөгийн зээлийг 3 хувийн хүүтэй, хоёр жилийн хугацаатай олгохоор шийдвэрлэсэн.

Өнгөрсөн жил самнахаас дээш шат дамжлагатай үйлдвэрүүд ноолуурын зээлд хамрагдаж нийт 95 тэрбум төгрөгийн зээл авсан. Энэ жил дээрх зээлийг үргэлжлүүлэх Засгийн газрын тогтоол батлагдаж, гүн боловсруулалтын түвшинг ахиулах бодлогын хүрээнд үйлдвэрлэгчдээ дэмжиж байна. Зөвхөн энэ салбарт үйл ажиллагаа явуулдаг үйлдвэрлэгчид зээлд хамрагдах учир үйлдвэрүүдийн нэрсийн жагсаалтыг ХХААХҮЯ-наас арилжааны банкуудад хүргүүлнэ.

Эх сурвалж: ЗГ