/2022.01.12/: Өчигдөр орой Сэлэнгэ аймгийн Сайхан сумын Гавшгай багийн нэгэн орон сууцны нэгдүгээр давхарт гал гарснаас бага насны хүүхдүүд угаартсан байжээ.

Тус аймгийн Онцгой байдлын Гал түймэр унтраах, аврах ангийн алба хаагчид очиход тус барилгын нэг давхрын цахилгаан хуваарилах өрөөнд гал гарч байсныг унтраасан байна. Гал түймэрт иргэн Ч /9 настай, эрэгтэй/, Ч /5 настай, эрэгтэй/, И /7 настай, эмэгтэй/ нар угаартсан байдалтай байсныг сумын Эрүүл мэндийн төвд хүлээлгэж өгсөн. Утаажилтын бүсээс 18 иргэнийг гаргасан.

Эх сурвалж: ОБЕГ