/2021.10.7/ Хятадын синовак вакцины бүрэн тунг хийлгэсэн иргэдээ гурав дахь тундаа зайлшгүй хамрагдах ёстойг Туркийн Эрүүл мэндийн яамнаас анхааруулж байна.

Тус улсын Эрүүл мэндийн сайд Фариттен Кокагийн хэлж буйгаар ковидын улмаас эмнэлэгт хэвтэн эмчлүүлж байгаа болон амиа алдсан хүмүүсийн 90 хувь нь вакцинд огт хамрагдаагүй, эсвэл нэг тунтай ажээ. Мөн синовак вакцины бүрэн тунд хамрагдсанаас хойш дөрвөн сарын хугацаа өнгөрсөн иргэд халдвар авах нь их байгаа гэнэ.

Тиймээс Турк улс хоёр тун синовак вакцинд хамрагдаад гурван сараас дээш хугацаа өнгөрсөн иргэдээ дахин нэг тунд заавал хамрагдахыг уриалж эхэлжээ. "Судалгаагаар вакцин тариулснаас хойш гурван сарын дараагаас үйлчлэл нь огцом буурдаг болох нь тогтоогдсон. Ялангуяа хөгшин настай хүмүүсийн хувьд" гэж мэдээлж байна.

Эх сурвалж: BBC