/2022.03.09/ Өчигдөр буюу энэ сарын 8-ны өдөр Эмээлтийн товчоон дээр хоёр шуудай янгирын эвэр тээвэрлэж явсан иргэнийг саатуулжээ.

Энэ талаарх дуудлага мэдээлэл өчигдөр өдрийн 17.00 цаг орчимд цагдаагийн байгууллагад ирж, шалгалтын ажиллагаа явуулсан байна. Ингэхэд 32 настай эрэгтэй “Ж” гэх иргэн тээврийн хэрэгсэлдээ янгирын эвэр тээвэрлэж явсан байжээ. Одоогоор энэхүү хэргийг шалгаж байгаа аж.

Үүнтэй холбоотойгоор иргэд та бүхнийг хууль бусаар ан агнахгүй, тэдгээрийн гаралтай түүхий эдийн зүйлийг хадгалахгүй, худалдахгүй, худалдан авахгүй, тээвэрлэхгүй байхыг цагдаагийн байгууллагаас анхаарууллаа.