/2021.12.23/: Монгол Улсын Засгийн газраас баталсан "Сумын хөгжил-Инженерийн дэд бүтцийн хөгжил" төслийн талаарх иргэдтэй хийх уулзалт Төв аймгийн Борнуур суманд эхэллээ.

Уулзалтад Сайд Б.Мөнхбаатар, Дэд сайд Э.Золбоо болон яамны холбогдох газрын дарга нар, Төв аймгийн ЗДТГ, ГХБХБГ-ын төлөөлөл оролцож байна.

Төв аймгийн Борнуур сумын төвийн инженерийн шийдэл дулаан хангамж, цэвэр ус, бохир ус, цэвэрлэх байгууламж, үерийн хамгаалалтын байгууламжийн зургийн төлөвлөлтийн талаар "Алтайн газрын хүч" ХХК- ийн инженерүүд сумын иргэдэд нээлттэй танилцуулж, мэдээлэл өгөв.

Барилга хот байгуулалтын сайдын зүгээс зураг төслийн гүйцэтгэгч байгууллагад зургийг нарийвчлах, сумын төвийн иргэдийн саналыг сонсох, сумын удирдлагууд энэхүү төслийг хэрэгжүүлэхэд суурь нөхцлийг бүрдүүлэх, иргэдийн санал хүсэлт, хандлагыг нэмэгдүүлж оролцоог хангах нь чухлыг онцолж үүрэг өглөө.

Эх сурвалж: БХБЯ