/2022.11.27/ ОХУ-ын Ангарск хотын газрын тос боловсруулах үйлдвэрт томоохон хэмжээний гал гарчээ.

Тодруулбал, газрын тос боловсруулах үйлдвэрт гарсан галын дүрс бичлэг цахим сүлжээнд тавигдаж, олон нийтийн сүлжээгээр тараад байна. Энэ тухай дүрс бичлэгийг Зүүн Европын хамгийн том хэвлэл мэдээллийн агентлаг болох Nexta "Оросын Ангарск дахь газрын тос боловсруулах үйлдвэр галд автлаа" гэсэн утгатайгаар Твиттерт байршуулжээ.

Мөн бусад хэвлэл мэдээллийн хэрэгслээр галын хэмжээ 250 метр квадрат талбайг хамарсан гэж мэдээлж байгаа юм. Харин ослын улмаас хүн бэртэж гэмтээгүй байна.

Түүнчлэн Эрхүү мужийн захирагч Игорь Кобзев галыг унтраасан гэж мэдэгджээ. Одоогоор ослын шалтгааныг тогтоохоор ажиллаж байгаа аж.