/2022.11.25/: Тайланд улсын Паттаяа хотод гар бууны спортын дэлхийн аварга шалгаруулах тэмцээн арваннэгдүгээр сарын 26-наас арванхоёрдугаар сарын 3-нд болно.
19 дэх удаагийн тэмцээнд манай улсаас Монголын практик буудлагын холбооны ерөнхийлөгч Д.Наранбаатарын удирдлага дор насанд хүрэгчдийн эрэгтэйчүүдийн ангилалд Ц.Дашдэмбэрэл, Б.Алтанбагана, Д.Энхбаатар, Д.Хатанзаяа, эмэгтэйчүүдэд Э.Эрдэнэхалиу нар өрсөлдөх бол өсвөр үеийнхний хөвгүүдийн ангилалд Н.Амир, охидод Д.Намуун нар өрсөлдөхөөр Тайланд улсыг зорив.
Гурван жил тутамд зохион байгуулагддаг ДАШТ-д манай улсын тамирчид хоёр дахь удаагаа оролцох гэж байна.
Эх сурвалж: БТСУХ
