/2022.11.10/ Дулааны аргаар мах боловсруулж байсан найман аж ахуй нэгжийн махнаас нянгийн хэмжээ хэтэрсэн зөрчил илэрсэн.

Тэгвэл өнөөдөр “Өлзийт тал” ХХК-ийн бэлтгэсэн 0.8 тонн махыг нянгийн хэмжээ хэтэрсэн гэдэг үндэслэлээр устгахаар Улаанчулуутын хогийн цэг дээр нийслэлийн ЗДТГ-ын мэргэжилтнүүд болон Мэргэжлийн хяналтын байгууллагын холбогдох албаныхан ажиллалаа.

Нийслэлийн зөвлөлийн устгалын комиссын нарийн бичиг н.Мөнхт:

-Хураагдсан, чанарын шаардлага хангахгүй 800 кг махыг устгах ажиллагааг өнөөдөр явуулж байна. Ахиад нь 500кг махыг устгах ажлыг хийнэ. Харин үлдсэн нь аж ахуйн нэгжээс шүүхэд маргаан үүсгэсэн. 10 орчим компани байгаа. Мах устгах процессын хувьд газар булаад шатаах замаар дээр нь шороо булна гэлээ.