/2022.8.29/ МАН-ын Удирдах зөвлөл хуралдаж байна.
Өнөөдрийн хуралдаанаар Засгийн газрын сайд нарын асуудлыг хэлэлцэж буй юм.
Монгол Улсын Засгийн газар 16 яамтай. Үүн дээр Шадар сайд болон Монгол Улсын сайд Засгийн газрын хэрэг эрхлэх газрын дарга нэмэгдэнэ. Одоогоор хоёр яамны сайд тодроогүй байгаа бөгөөд үүрэг гүйцэтгэгч нар ажиллаж буй.
Өнөөдрийн МАН-ын УЗ-ийн хуралдаанаар Х.Нямбаатар, С.Амарсайхан, Б.Жавхлан, Л.Энх-Амгалан нар сайдын албаа үргэлжлүүлэн хашихаар болж байгааг эх сурвалж мэдээллээ.
Шинээр давхар дээлтэй 4 сайдын нэр яригдаж байна. Мөн шинэ бүтцээр хоёр яамны нэр яригдаж болзошгүй байна.
Бусад намтай хамтрах тухайд, АН, ХҮН намуудад сайдын суудлын санал тавьжээ. Гэвч Эвслийн Засгийн газар байгуулах асуудал огт яригдаагүй байна.
