/2022.08.25/: ЗТХ-ийн сайд Л.Халтар боомтын ачаа нэвтрэлтийн асуудлаар мэдээлж байна

Иргэд, захиалагчид импортын бараагаа авахгүй, удааснаас чингэлгийн терминалууд дээр ачаа бөөгнөрч, дараагийн ачаа хүлээн авах талбай хүрэлцэхгүй болж хүндрэл үүсэж байна.

Өнөөдрийн байдлаар төмөр замаар тээвэрлэн ирсэн импортын 3500 орчим ачаатай чингэлэг байна. Үүний 60 хувь нь хуучин авто машин. 40 хувь нь хүнс болон бусад төрлийн бараа юм.

АБТЭМА-д буугаад хамгийн удаж байгаа ачаа 2 сар гаруй өмнө ирсэн. Энэ мэтчилэн ачаагаа авахгүй удаах нь дараагийн ачааг хүлээж авах боломжгүй болгож бөөгнөрөл үүсгэж байна.

Зам, тээврийн хөгжлийн сайд Л.Халтар өнөөдөр АБТЭМА-д ажиллаж зарим үүрэг, чиглэл өгөв.