/2022.08.24/ УИХ-ын өнөөдрийн ээлжит бус чуулганы хуралдаанаар Монгол Улсын Үндсэн хуульд нэмэлт, өөрчлөлт оруулах журмын тухай хуульд нэмэлт оруулах тухай хуулийн төслийг хэлэлцлээ.
Ингээд хуралдааны төгсгөлд хуулийн төсөлтэй холбогдуулан УИХ-ын Т.Доржханд, Ж.Батсуурь, Ж.Сүхбаатар, С.Одонтуяа, Д.Ганбат, Ц.Мөнх-Оргил нар байр сууриа илэрхийлэв. Үүний дараа санал хураалт явуулахад хуралдаанд оролцсон гишүүдийн 83.3 хувь нь хуулийн төслүүдийг үзэл баримтлалын хүрээнд хэлэлцэхийг дэмжсэн учир анхны хэлэлцүүлэгт бэлтгүүлэхээр Төрийн байгуулалтын байнгын хороонд шилжүүллээ.
