/2022.08.24/: Өнөөдөр болох үйл явдлуудыг тоймлон хүргэж байна.

9.00: “АСЕМ хуралдай”-д “Монголын улс төрийн форум” болно.

10.00: “Үндэсний мэдээллийн төв”-д Монголын хүний эрхийн төрийн бус байгууллагуудын форумаас Засгийн газрын хөгжлийн төсөл хөтөлбөрүүдийн талаар мэдээлнэ.

11.00: “Их хуралдай”-д илтгэл хэлэлцүүлсэн оюутнууд Японы залуус Монголын талаар, манай улсын залуус Японы тухай ямар ойлголттой байдгийг судалсан тухайгаа мэдээлнэ.

11.40: “Шонхор тауэр”-т УИХ дахь АН-ын бүлгийн даргыг томилох тухай хууль бус үйлдэл гарсан талаар АН-аас мэдээлнэ.

12.00: Монголын тариаланчдын үндэсний холбооноос буудай тариалахад шаардлагатай орцын үнэ 100-150 хувиар нэмэгдсэнтэй холбоотойгоор тариаланчид тонн буудайн үнийг 1.2 сая төгрөг болгон өсгөхөөс өөр аргагүйд хүрсэн талаар мэдээлнэ.

15.00: ГХЯ-нд Монгол Улсын Гадаад харилцааны яам, АНУ-ын Төрийн департаментын XV зөвлөлдөх уулзалт болон анхдугаар стратегийн яриа хэлэлцээ болно.

15.00: Монгол Улсын Шинжлэх ухааны академи, Олон улсын Түрэг академиас Археологийн хүрээлэнгийн хамтын ажиллагаа, Дундад зууны үеийн археологийн судалгааны зарим үр дүнгийн талаар мэдээлнэ.