/2024.05.03/: Булган аймаг, Хангал сум Хялганат тосгоны "Сэлэнгэ гүүр" гэдэг газарт, Иргэн Ч “Сэлэнгэ” голд осолдсон тухай дуудлаг өчигдөр өдрийн 15:25 цагт Онцгой байдлын газарт иржээ.
Дуудлагын дагуу тус аймгийн Онцгой байдлын газрын Хангал сум дахь Гал түймэр унтраах, аврах 50 дугаар анги, Зэвсэгт хүчний 234 дүгээр анги, сум дундын Цагдаагийн тасгийн алба хаагчид Ч 36 настай, эрэгтэйг анх осолдсон Сэлэнгэ мөрний гүүрнээс зүүн хойд зүгт “Арван цагаан худаг” гэдэг газар хүртэл 14 км-т, 2 удаа завиар урсаж, 10 км-т голын эргээр явганаар эрэн хайх ажиллагааг зохион байгуулан ажиллаж байна.
Эх сурвалж: ОБЕГ
