/2023.08.26/ ЕКАТ 2023 фестивалийн чөлөөт бөхийн 65 кг жинд Даваанямын Төрбаяр нь хүрэл медалийн төлөө ОХУ-ын тамирчин Н. Курбаналиевтэй “С” дэвжээн дээр барилдан 7:4 оноогоор өрсөлдөгчөө ялж, Олон Улсын Оюутны Спортын Фестивалийн Монголын багийн анхны хүрэл медалийг хүртлээ.

Түүнийг нэгдүгээр тойрогт ялж байсан ОХУ-ын Тува БНУ-ын Их сургуулийн оюутан К. Монгуш нь Фестивалийн аваргын алтан медаль хүртлээ. Д. Төрбаяр нь түүнийг дагаж барилдан, бүх өрсөлдөгчөө илүүрхэн ялж, ийнхүү Фестивалийн Монголын тамирчдын медалийн салхийг хагалж өглөө.

Монгол Улсын багийн дасгалжуулагчаар Ц.Баярсайхан ажиллаж байна.