/2023.08.09/: Сэлэнгэ аймгийн Алтанбулаг сумын “Гүн нуур” гэдэг газар нууранд 1 эрэгтэй хүн осолдсон тухай дуудлага Онцгой байдлын газарт иржээ.

Дуудлагын дагуу тус аймгийн Онцгой байдлын газрын Эрэн хайх, аврах ангийн алба хаагчдыг очиход иргэн Т 24 настай, эрэгтэй нь нуурын усанд сэлэхээр ороод живсэн байсан тул эрэн хайх ажиллагааг зохион байгуулан ажиллаж мөн өдрийн 17:20 цагт анх осолдсон газраас зүүн хойд зүгт 7 метр зайд, 3.5 метрийн гүнээс цогцсыг олж гарган аймгийн Шүүх шинжилгээний хэлтсийн шинжээчид шилжүүлэн өгсөн байна.

Эх сурвалж: ОБЕГ