/2023.08.08/: АНУ, Монгол Улсын Засгийн газар хооронд байгуулах Агаарын тээврийн хэлэлцээрийн төслийг 2022 оны 12 дугаар сарын 07-ны өдрийн Засгийн газрын хуралдаанаар хэлэлцэн дэмжсэн бөгөөд 2023 оны нэгдүгээр сарын 24-ний өдөр үзэглэсэн.
Хоёр улсын иргэний нисэхийн удирдах байгууллагууд хооронд 2011 онд байгуулсан NAT-I-1007 дугаартай Санамж бичгийн 1 дүгээр хавсралтад нэмэлт өөрчлөлт оруулах байдлаар цаашдын хамтын ажиллагааны талаар тусгасан Харилцан ойлголцлын санамж бичгийн төслийг Гадаад харилцааны яам хянаж 2023 оны тавдугаар сарын 04-ний өдрийн 09/2377 тоот албан бичгээр Санамж бичиг байгуулах зөвшөөрөл авсан юм.
Ийнхүү санамж бичгийг АНУ-д хийгдэж байгаа айлчлалын үеэр зурж баталгаажууллаа.
