/2022.07.21/: Боловсрол, шинжлэх ухааны яам, Юнеско-гийн Ази, Номхон далайн орнуудын боловсролын төв хамтран хэрэгжүүлдэг “Багш солилцооны хөтөлбөр”-т оролцохоор ерөнхий боловсролын 12 сургууль хүсэлтээ ирүүлснээс дараах сургуулиуд шалгарлаа.

1. Нийслэлийн ерөнхий боловсролын 115 дугаар сургууль /5 багш/

2. Нийслэлийн ерөнхий боловсролын “Эрдмийн өргөө” цогцолбор сургууль /5 багш/

3. Сүхбаатар аймгийн Наран сумын сургууль /3 багш/, Баруун-Урт сумын сургууль /2 багш/

Багш солилцооны хөтөлбөрт хамрагдах сургуулиуд дараах шаардлагыг хангасан байна.

Ерөнхий шаардлага /багш/:

• 5-аас дээш жилийн ажилласан туршлагатай
• Гадаад хэлний шаардлага хангахуйц мэдлэгтэй
• Мэдээлэл технологийн ур чадварыг бүрэн эзэмшсэн

Сургуулиудын давуу тал:

• Олон улсын болон БНСУ-ын чуулга уулзалтад оролцож байсан туршлагатай
• Багш солилцооны хөтөлбөр, төсөл хөтөлбөрт хамрагдаж үр дүнг тооцон амжилттай хэрэгжүүлсэн туршлагатай
• Оролцогч багш нарын өөрсдийн санаачлан хэрэгжүүлж буй ажлууд нь үр дүнд хүрсэн /идэвх санаачилгатай баг бүрдүүлсэн/
• Олон улсын уралдаан тэмцээнд оролцож гаргасан амжилтыг нотлох баримтаар ирүүлсэн.

Ийнхүү дээрх сургуулиудын 12 багш БНСУ-д Багш солилцооны хөтөлбөрт хамрагдах боломжтой боллоо.

Эх сурвалж: БЕГ