/2022.5.23/ Хүүхдийн баяр зургаадугаар сарын 1-ний өдөр болно.

Энэ өдөр бүх нийтээр амардаг бөгөөд лхагва гарагт таарч байгаа юм. Энэ өдөр ямар тоглолт хаана болох талаарх мэдээллийг хүргэж байна.

МОНГОЛЫН АНХНЫ МӨСӨН ЦИРКИЙН ТОГЛОЛТ

Степпе Арена, Монголын мэргэжлийн циркчдийн нэгдсэн холбоо хамтран циркийн гайхалтай үзүүлбэрүүдийг мөсөн талбайтай хослуулсан МОНГОЛЫН АНХНЫ МӨСӨН ЦИРКИЙН ТОГЛОЛТ-ыг хүүхэд багачууддаа зориулан тоглох гэж байна.

Мөсөн цирк: V /28, 29, 30, 31-ний өдрүүдэд 11:00, 15:00, 19:00 цагт
VI/ 1-ний өдрүүдэд 11:00 цагт

Тасалбарыг: Web: steppearena.mn/events/suult_odnii_nuuts/
App: onelink.to/sjx524

“ТОМ БАЯР” ТҮМЭН ХҮҮХДИЙН НААДАМ

Бүтэн өдрийн хөтөлбөртэй түмэн хүүхдийн баярыг хүүхдүүдийн эрх, эрүүл мэнд, аюулгүй байдал, хэрэгцээ шаардлагын хүрээнд үйл ажиллагаа явуулдаг төр болон хувийн хэвшил, олон улсын байгууллагын оролцоотойгоор зохион байгуулж байна. Энэ хүрээнд Том толгойтын адал явдал хүүхдийн цуврал киноны Том хамтлаг, Tom girlz, Tom kids, хүүхэд багачуудын хайртай дуучин Г.Уянгадарь, Энжи, Б.Бат-Энэрэл, Ц.Мичидмаа нар оролцож, уран бүтээлээ хүргэнэ.

Мөн циркийн сонирхолтой үзүүлбэрүүд, хүүхэлдэйн баатрууд, урлаг соёлын энтертайнмент шоу 10:00 – 22:00 цаг хүртэл үргэлжилнэ.

Тэгш оролцоог бий болгох үүднээс:

• Тусгай хэрэгцээт хүүхдүүдийг анхаарсан зохион байгуулалт,
• Тогтмол санамж, анхааруулга бүхий өргөтгөсөн баг,
• бага насны хүүхдүүдэд зориулсан нойл, живх солих асар,
• анхны тусламж, цагдаагийн хяналтын баг,
• утасны дугаартай хүүхдийн аюулгүйн бугуйвч, тэмдэг тэмдэглэгээ,
• хогийн цэгийг хүртээмжтэй байдлаар бий болгоно.

ХҮҮХДИЙН ЕРТӨНЦ-2022 ФЕСТИВАЛЬ

Хүүхдийн баяраар автомашингүй гудамжинд Хүүхдийн Ертөнц-2022 фестивал зохион байгуулагдана.
Олон Улсын Хүүхдийн Эрхийг Хамгаалах өдрийг тэмдэглэн өнгөрүүлэх хүрээнд Нийслэлийн ЗДТГ, Монголын Хүүхдийн Ордон, Хүүхдийн сан, Эм Си Пи ХХК хамтран энэхүү үйл ажиллагааг хийх гэж байна.

П.Гэндэнгийн гудамж буюу Баянгол зочид буудлын автозамын уулзвараас Шангри-Ла Молл хойд уулзвар хүртэлх 500м авто замын хөдөлгөөнийг 2022 оны 6-р сарын 1-ний 08:00-20:00 цагуудын хооронд хааж, “Хүүхдийн Ертөнц-2022” баярын фестивал нээлттэй зохион байгуулахаар болсон байна.

Тус арга хэмжээний хүрээнд Монголын Хүүхдийн Ордоны авьяаслаг сурагчдын тоглолтууд, хүүхдүүд, өсвөр үеийн сонирхолд нийцсэн өвөрмөц тохижилт бүхий гудамж, талбайн чимэглэл, 2-3 тайз засагдаж цаг тутмын үзвэр, тоглолтууд, гудамжны явуулын хоол үйлчилгээ, 30 гаруй асарт төрөл бүрийн сонирхолтой худалдаа үйлчилгээнүүд явагдана. Мөн баярын парад, флашмоб, нээлттэй дуулах микрафон, өвөрмөц хувцаслалтын үзүүлбэр, видео спортын уралдаан тэмцээнүүд зохиогдохоор бэлтгэл ажил явагдаж байна.

“ЭНХ ТУНХ-МӨНХ ТУНХ” ОЛОН УЛСЫН ХҮҮХДИЙН ЭРХИЙГ ХАМГААЛАХ
ӨДРИЙН БАЯРЫН ХӨТӨЛБӨР

Хүндэтгэлийн жагсаалд 3000 хүн оролцож, Дэлхийн сүүний өдөртэй давхцаж буй тул 10 мянган хүүхдэд сүү тараана.

ТОГЛОЛТУУД:

"Үзэсгэлэн гоо ба Жонон" хүүхдийн жүжиг Зайсан хилл цогцолборт тавдугаар сарын 31, зургаадугаар сарын 1-ний өдрүүдэд болно.

Тасалбарын үнэ нь 35 мянган төгрөг байна. Энэ жүжгийг Тренд артист компани зохион байгуулах бөгөөд 5-аас дээш насныханд зориулагдаж, 90 минут тоглогдох ажээ.

Та бүхэн ticket.mn сайтаас тасалбараа захиалан үзэх боломжтой.

"Миний цэцэн хурга" дуулалт жүжиг Ган зам паласт болно. Мөн тавдугаар сарын 31 болон зургаадугаар сарын 1ний өдрүүдэд болох бөгөөд 4-өөс дээш насныханд зориулагдсан.

Нэг цаг үргэлжлэх энэ жүжигт таван хошуу малаар дамжуулан хүүхэд багачуудад ахмад буурлынхаа үгийг сонсох, аливаа зүйлийг арга ухаан, сэтгэхүйгээрээ тунгаан бодох, амьтай бүхнийг энэрэх нинжин сэтгэлийг өгүүлэх ажээ.

Тасалбар нь 10 мянган төгрөг. Тасалбарыг ticket.mn сайтаас худалдан аваарай.

Мөрөөдлийн театр, Залуус, Эмоци продакшны Залуус, Diamond циркийн уран бүтээлчдийн хамтарсан "Троллууд циркийн ертөнцөөр" тоглолт мөн Хүүхдийн баяраар болно. Энэ тоглолт Монгол бөхийн өргөөнд болох юм.

Тасалбарын үнэ 30 мянган төгрөг. Мөн ticket.mn сайтаас тасалбараа захиалж аваарай.

“Зуузуугийн найзууд хүүхдийн баярыг аварсан нь” тайз дэлгэцийн бүрэн хэмжээний хүүхдийн жүжиг зургаадугаар сарын 1–нд 12.00 цагаас Ub Palace-ын концертын их танхимд ганцхан удаа тоглогдоно.

Тасалбарт дагалдах бэлгүүд :

• Хүүхдийн баярын амтат бэлэг
• Зуузуу таблет22-ийг 10% хөнгөлөлттэй авах эрх
• Zuuzuu app 3 сар үнэ төлбөргүй ашиглах эрх
• Зуузуугийн ертөнцийг өнгөт болгоё буддаг ном

Тасалбарын үнэ 30 мянга, 25 мянган төгрөг.

ХҮҮХДИЙН БАЯР ПАРАДААР ЭХЭЛНЭ

Хаана: Сүхбаатарын талбай дээр болон авто замын хөдөлгөөнийг хязгаарласан замууд дээр зохион байгуулна.

Хугацаа: 10:30-17:00 цагт

10:30-11:00 Баярын нэгдсэн хүндэтгэлийн парад /төрийн болон төрийн бус байгууллагууд, аж ахуйн нэгжүүд/

11:05-11:10 Мөнх тунх үлгэрийн баатрууд “bambar beat“ дуу

11:10-11:15 Баярын арга хэмжээний нээлт /Нийслэлийн Засаг дарга бөгөөд Улаанбаатар хотын Захирагч Д.Сумъяабазар/

11:15-11:20 Мэндчилгээ дэвшүүлнэ. /МУ-ын Ерөнхий сайд Л.Оюун-Эрдэнэ/

11:20-11:25 Мэндчилгээ дэвшүүлнэ. /НҮБ-ийн Монгол дахь суурин төлөөлөгч Эваристе Коуасси-Комлан/

11:25-12:00 Урлагийн тоглолт /Мөнх-Тунхын баатрууд/

12:00-12:10 Жагсаалын үзүүлэх тоглолт /БЗД, СБД-ийн ЕБС-ийн Ахлах ангийн сурагчдын цэрэг, спортын “Дөл” цогцолбор тэмцээн/

12:10-13:00 Урлагийн тоглолт /Хамтлаг, дуучид/

13:00-14:00 Хөдөлмөр, нийгмийн хамгааллын яам /Хүүхдийн сангаас хүүхдүүдэд зардал олгох үйл ажиллагаа, 108 утасны мэндчилгээ, Найрамдал зуслангийн мэндчилгээ/

14:00-14:30 Хүнс, хөдөө аж ахуй, хөнгөн үйлдвэрийн яамны арга хэмжээ

14:30-16:00 Урлагийн тоглолт /Хамтлаг, дуучид/

16:00-17:50 Талбайн баруун, зүүн талд байрлах туслах тайзанд хүүхэд багачуудын дунд тэмцээн уралдаан, хүүхэд багачуудын дуу бүжгийн тоглолт /Аж ахуйн нэгж байгууллагууд, Олон улсын болон Төрийн бус байгууллагуудын зохион байгуулах арга хэмжээ/

17:00-17:50 Парад, флашмоб /Монголын хүүхдийн ордны сурагчид/

17:50-18:00 Арга хэмжээний хаалт

“ХҮҮХДИЙН ЕРТӨНЦ” ФЕСТИВАЛЬ БОЛНО

Монголын хүүхдийн ордноос эцэг эх, хүүхэд багачууддаа зориулан “Хүүхдийн ертөнц” фестивалийг санаачлан, НЗДТГ, MCP ХХК, Монголын хүүхдийн сантай хамтран зохион байгуулна. Фестивалийн хүрээнд Монголын хүүхдийн ордны авьяаслаг сурагчдын тоглолтууд, хүүхэд, өсвөр үеийн сонирхолд нийцсэн өвөрмөц тохижилт бүхий гудамж, талбайн чимэглэлийг бэлдсэнээс гадна 2-3 тайз засаж цаг тутмын үзвэр, тоглолтууд тоглож, гудамжны явуулын хоолны үйлчилгээ, мөн асруудад төрөл бүрийн худалдаа, үйлчилгээ үзүүлэх юм.

Хаана: Монголын хүүхдийн ордон болон ордны гадна талбай, Баянгол зочид буудлын уулзвараас Шангри-Лагийн хойд уулзвар хүртэлх автомашингүй гудамжинд

Хугацаа: 09:30-19:00 цаг

• Монголын хүүхдийн ордны баярын тусгай тоглолт
• Entertainment тайз болон задгай талбайн арга хэмжээ
• Хөгжөөнт уралдаан тэмцээн
• Food street
• Задгай талбайн үзвэр
• Бүтээлч хана
• Jump jump area, play with me area
• Face Painting
• Номын үзэсгэлэн
• Open mic kids
• Баярын парад
• Флашмоб
• Гэр бүлийн оролцоот уралдаан тэмцээн зэрэг олон сонирхолтой нээлттэй арга хэмжээнүүд зохиогдоно.

Баярын гудамжинд болох арга хэмжээний хөтөлбөр

9:30 Баярын гудамж нээлтээ хийнэ

10:00-11:00 “Гэр бүлийн даамны тэмцээн”

12:00-13:00 Зургийн уралдаан

14:00-14:15 Парад, флашмоб, үлээвэр хөгжим, бөмбөр

15:30-16:30 Зургийн уралдаан, “Гэр бүлийн даамны тэмцээн”

16:00-17:00 “Гэр бүлийн АХА тэмцээн”

17:00-18:00 Парад, флашмоб

11:00-12:00 Баярын нээлт, “Хүүхдийн ертөнц” гар зургийн улсын уралдааны шагнал гардуулна

13:00-13:50 МХО-ы сурагчдын тоглолт,

14:00-14:20 -Нийслэлийн Засаг дарга Д.Сумъяабазар хүүхэд багачуудад баярын мэндчилгээ дэвшүүлж, бэлэг гардуулна.

-“Нарны хаан хүүхэд” дууг НҮБ-ын Хүүхдийн элч дуучин, МУГЖ Т.Ариунаа МХО-ны сурагчидтай дуулна.

15:30-16:30 Үзэгч хүүхдүүдийн дунд “Хэн сайн биелэх вэ” уралдаан

16:30-17:30 Хамтрагч байгууллагуудын арга хэмжээ

17:30-18:00 МХО-ы сурагчдын тоглолт

17:00-18:00 “Open mic kids”

2-р тайзанд “Miss model” үзээрэй

10:30-13:00 МХО-ы сурагчдын тоглолт

13:30-14:00 “Miss model”

15:00-15:30 МХО-ы сурагчдын тоглолт

15:30-16:30 Үзэгч хүүхдүүдийн дунд “Хэн сайн биелэх вэ” уралдаан

16:30-18:00 Драмын дугуйлангийн үзүүлбэр

18:00-19:00 “Open mic kids”

Монголын хүүхдийн ордонд гала тоглолт болно

10:00-20:00 “Хүүхдийн ертөнц” гар зургийн улсын уралдааны үзэсгэлэн

14:30-15:30 Монголын хүүхдийн ордны сурагчдын Гала концерт

17:00-18:00 Монголын хүүхдийн ордны сурагчдын Гала концерт

3D ГЭРЛЭН ШОУ, МОБАЙЛ PUBG ТЭМЦЭЭН ЗОХИОН БАЙГУУЛНА

Хаана: Соёлын төв өргөөнд

Хэзээ: 10:30-17:00

Нийслэлийн Бизнес инновац хөгжлийн газраас Олон улсын хүүхдийн эрхийг хамгаалах өдрийг тохиолдуулан дэвшилтэт технологи, инновацын үйл ажиллагааг сурталчлан таниулах “Хүүхэд ба Инновац” танин мэдэхүйн үзэсгэлэнг зохион байгуулах юм. Үзэсгэлэнд AR,VR технологид суурилсан дижитал арт, дижитал музей, VR тоглоом, робот, NFT, кодын сургалт, сэтгэхүй хөгжүүлэх тоглоом чиглэлээр үйл ажиллагаа явуулдаг компаниудыг танилцуулна. Мөн 3D гэрлэн шоу, Мобайл PUBG тэмцээнийг зохион байгуулах бөгөөд урилгаар Stalwart, IHC, Seal багууд хүрэлцэн ирж тоглоно.

“АНХНЫ ҮНСЭЛТ” МЮЗИКЛ ТОГЛОНО

Хаана: Улаанбаатар театр

Хэзээ: Зургаадугаар сарын 1-ний 12:00, 15:00 цагт

Ах дүү Гриммийн Бремен хотын хэрмэл хөгжимчид үлгэрээс сэдэвлэсэн "Анхны үнсэлт" мюзиклээ Улаанбаатар театрын уран бүтээлчид тайзнаа дахин амилуулах гэж байна. Германы Бремен хотын хөгжимчид болохоор ирсэн авьяаслаг хөгжимчин, дур булаам залуу Трубадур түүний нөхөд илжиг, нохой, муур, тахиа нартай Бремен хотын хааны үзэсгэлэнт гүнжтэй таарч хайртай болсноор тэдний толгой эргэм адал явдал, хөгжилтэй, ая дуугаар дүүрэн гайхамшигт аялал үргэлжлэх юм.

Энэхүү QR кодыг уншуулж Олон улсын хүүхдийн эрхийг хамгаалах өдрийн хөтөлбөртэй танилцах боломжтой.