/2022.05.20/ Зарим хэвлэл мэдээллээр "ОХУ-ын 2,407 иргэн Монгол Улсад цагаачлах хүсэлт гаргажээ" гэх утгатай мэдээлэл гарч байгаа юм.

Үүнтэй холбоотойгоор Гадаадын иргэн харьяатын газар /ГИХГ/-аас тодруулахад, "Орос иргэд олноор цагаачлах хүсэлт гаргасан гэдэг нь ташаа мэдээлэл. 2,407 иргэн гэдэг нь нийт оршин суух зөвшөөрөл авсан иргэдийн тоо юм" гэлээ.

ОХУ-ын иргэд манай улсад виз мэдүүлэхгүйгээр дээд тал нь 30 хоног хүртэлх хугацаанд зорчих боломжтой байдаг. Харин 30 хоногоос илүү хугацаагаар Монгол Улсад оршин суух, цагаачлах хүсэлтэй бол өөрийн биеийн давхцахгүй өгөгдлийг/хурууны хээ, зураг/ бүртгүүлж, шаардлагатай тохиолдолд эрүүл мэндийн шинжилгээнд хамрагдан, ГИХГ-т хүсэлт гарган шийдвэрлүүлдэг байна.