/2021.08.11/ Энэ жил ерөнхий боловсролын сургуулийн сурагчдын сурах бичгийг шинээр хэвлэхгүй байхаар зохицуулна.

Бага ангийхан буюу 1-5 дугаар ангийн сурагчид сурах бичгээ үнэгүй ашиглана.

Харин дунд анги буюу 6-12 дугаар ангийн сурагчдын 40 хувь нь сурах бичгээ үнэгүй ашиглана. Үүнд сургууль тус бүрийн зорилтот бүлгийн сурагчид хамаарна. Үлдсэн 60 хувь нь сургуулийн номын сангаас түрээсэлж авна. Түрээсийн үнэ зах зээлийн үнээс хямд байх юм хэмээн БШУЯ-ны хэвлэл мэдээллийн албаны дарга Ц.Шинэбаяр мэдээлэв.

Хэрвээ ЕБС-ийн хичээлийг цахим орчинд судлах бол https://econtent.edu.mn/ сайтаар хандаж болно.