/2022.04.29/ Өмнөговь аймгийн Цогтцэций сумаас өсвөр насны хоёр охин алга болсон талаар олон нийтийн хэвлэл мэдээллийн хэрэгслүүд мэдээлж байсан билээ.

Тухайн хоёр охин энэ сарын 28-ны өдөр сураггүй болж тус аймгийн Цогт-Овоо сумын онцгой комисс болон эрлийн багийнхан ойролцоох сумдыг самнаж байсан юм. Тэгвэл өнөөдөр өдрийн 10:40 цагийн үед оршин суух газраасаа сураггүй алга болсон 15 настай, эмэгтэй, “У” болон “М” нарыг Нийслэлийн Баянгол дүүргийн нутаг дэвсгэрээс олж тогтоосон талаар ЦЕГ-аас мэдээллээ.

Одоогоор хүүхдүүдийн биеийн байдал хэвийн, эрх нь зөрчигдсөн эсэхийг тодруулахаар шалгалтын ажиллагааг үргэлжлүүлж байна гэв.