/2022.04.27/ Засгийн газрын хуралдаанаас гарсан шийдвэрийг танилцууллаа.

Энэ үеэр Ерөнхий сайдын хэвлэлийн төлөөлөгч Ч.Болортуяа:

-Улаанбаатар-Дархан чиглэлийн замын 2,4 дүгээр багцын ажил хангалтгүй байгаа талаар танилцуулсан. Үүнтэй холбоотойгоор ЗГ-аас Зэвсэгт хүчний жанжин штабыг хүч нэмэгдүүлэн оролцуулах шийдвэр гаргалаа. Гарах зардал, зохион байгуулалттай холбоотой асуудлыг дараа долоо хоногийн ЗГ-ын хуралдаанаар танилцуулах үүргийг Ерөнхий сайд өгсөн. Мөн энэ долоо хоногийн пүрэв юм уу баасан гарагт Засгийн газар ээлжит бусаар хуралдаж магадгүй. Энэ үеэр дээрх асуудлыг хэлэлцэх байх гэв.