/2022.04.14/: Хар тэнгист Оросын байлдааны хөлөгтэй холбоотой хэргийн талаар Орос, Украины хооронд зөрчилтэй мэдээллүүд гарч байна.
Оросын талын мэдээлэл: ОХУ-ын Батлан хамгаалах яам лхагва гарагт "Москва" байлдааны хөлөг онгоцонд гал гарсны улмаас хөлгийн багийнхныг нүүлгэн шилжүүлсэн бөгөөд, хөлөг онгоцонд ноцтой хохирол учирсан гэж Оросын төрийн мэдээллийн хэрэгслүүд мэдээлэв.
Украины талын мэдээлэл: Хэдэн цагийн өмнө Одесса мужийн захирагч Максим Марченко Телеграм хуудсандаа Украины арми "Нептун" пуужингаар хөлөг онгоцыг онож, ноцтой хохирол учруулсан гэж мэдэгджээ.
Цаг агаарын таагүй байдлаас шалтгаалж Хар тэнгисийн дээгүүр хүчтэй шуурга болж, хиймэл дагуулаас авсан зураг, мэдрэгчтэй хиймэл дагуулын өгөгдлийг бүрхэг болгосны улмаас хөлөг онгоцонд юу тохиолдсон болохыг батлах боломжгүй байна. Түүнчлэн Оросын Батлан хамгаалах яам Telegram сувагтаа нүүлгэн шилжүүлэлт, онгоцонд гал гарсныг хүлээн зөвшөөрсөн албан ёсны мэдэгдэл хийгээгүй байна.
Оросын төрийн мэдээллийн ТАСС, РИА агентлагууд хөлөг онгоцны багийнхныг нүүлгэн шилжүүлж, галын шалтгааныг тогтоох ажил үргэлжилж байна гэж мэдээлжээ. БХЯ-ны мэдээлснээр Москва хөлөг онгоц бол 1982 онд баригдаж ашиглалтад орсон пуужингийн хөлөг онгоц юм.
Эх сурвалж: CNN
