/2021.08.09/ Сүүлийн 24 цагт "Ковид-19" халдварын улмаас эмэгтэй 4, эрэгтэй 1 нийт 5 хүн нас барсан талаар ЭМЯ-наас мэдээллээ.

Тухайн иргэдийн 3 нь 61-ээс дээш, 2 нь 81-ээс дээш насны иргэд байжээ. Үүнд, "ковид-19" шалтгаант хоёр хүн, архаг өвчтэй, ковид хавсарсан 3 хүн байсан байна.

Нас барсан хүмүүсийн дийлэнх нь зүрх судасны өвчтэй, чихрийн шижинтэй хүмүүс байна.

Сүүлийн 24 цагт шинээр 1,071 тохиолдол бүртгэгдэж, 1,811 иргэн эдгэрсэн аж. Бүртгэгдсэн халдварын ихэнх нь орон нутагт байна. Тодруулбал, Улаанбаатарт 319, орон нутагт 752 тохиолдол илэрчээ.

Эх сурвалж: ЭМЯ